2137/2022-2023
Kolasib dated 1st October 2022: Tukin khan Venglai YMA Park, Kolasibah District Urban Development Office buatsaihin ‘Bawlhhlawh Paih Hmaa Thliar Hran’ tih thupui hmangin ‘Faina Hapta 2022’ hawnna hun hman a ni a. Pu John LT Sanga, Deputy Commissioner chuan ‘Faina Hapta 2022’ hawnna hun hmangin Pu Lalmuan Puia, DUDO in hun a kaihruai a. District Office, khawtlang leh NGO hruaituten he hun hi hmanpuiin RTI Street Show neih a ni bawk.

Pu John LT Sanga, Deputy Commissioner chuan fai chu hmasawnna leh changkanna entirtu a nih thu sawiin mi rintlak leh belhchiandawl ni tur chuan mahni inenkawl fai, in leh lo leh khawtlang faina ngaina mi nih a pawimawh thu a sawi. Faina hapta 2022 chu faina kawnga hma kan lo lak tawhna tihchak lehzual nan leh mahni inchhungkhur atanga bawlhhlawh thawih thei leh thei lo thliar hran uar zawk a kalpui a nih theih nana inzirtirna hun atan a hman a nih tur thu a sawi. Faina Hapta 2022 chhung hian veng, office leh hriselna enkawlna hmun hrang hrangte faina kawnga an hmalaknate endik a nih tur thu Deputy Commissioner chuan tarlangin hmun hrang hrangah bawlhhlawh thliar hran ngai pawimawh tur a inzirtirna kalpui a nih tur thu a sawi.

Tukin Faina Hapta 2022 hawnna hun ah hian bawlhhlawh tawih thei leh thei lo bakah hriselna atana hlauhawm bawlhhlawh paih dan entirna hun hman a ni a. Bawlhhlawh hmang a thil siam intihsiakna ‘Swachh Toycathlon’ lawmman semna hun hman nghal a ni bawk.