2138/2022-2023

Lunglei the 1st October' 2022: Tukin khan Urban Development & Poverty Alleviation Department, Lunglei buatsaihin Convention Centre Hall ah Faina Hapta 2022, 46th  Mizoram Cleanliness Week 2022 (1st October - 8th October, 2022) hawnna hun hman a ni. Pu Donny Lalruatsanga, Addl. Deputy Commissioner, Lunglei chuan khuallian niin Faina Hapta 2022 hi a hawng. Faina Hapta 2022 thupui atan' Bawlhlawh paih hmaa thliar hran' ( Waste Segregation of Source) tih hman a ni.

Faina Hapta 2022 hawnna inkhawm hi Pu H. Lalremruata, President, Lunglei District Village Council Association in kaihruaiin Khuallian Pu Donny Lalruatsanga chuan Faina hapta hmanna tura  ruahmanna tha tak siamtu UD&PA Department bakah faina kawnga hma la tur a lokal  te chungah lawmthu a sawi a . Lunglei District hi faina kawngah hlawhtlinna  tamtak kan nei a, Department hrang hrang , VC, NGO's leh mipuite tanrualna vang a ni a ti. India sorkarin faina ah hmathlir thui tak a nei a, kawng hrang hrang in faina ah ruahmanna a siam thu a sawi a. Khua leh tui tha ni tura pawimawh ber chu faina leh thianghlimna neih hi a ni tiin mihring changkang tur chuan faina hi a pawimawh a, hei hian zahawmna a keng tel a ni ti. Faina lama District khawpui intihsiakna ah lawmman beiseina piah lamah keimahni thinlunga bul tan a ngaih thu  sawiin Lunglei ti mawitu leh ti hming tha tu chu keimahni kan ni a, chuvangin vengchhung, chhungkua leh pawl ten bawlhlawh thliar hran kawng ah hma la theuh turin a chah bawk a ni.

Pi Vanthangpuii, District Urban Development Officer, UD&PA Department in report pein Faina hapta hi kum 1976 atangin hman tan a ni a,  2nd October kum 2014 ah India Prime Minister in Swachh Bharat Mission (Urban) a hawng a, hemi in a tum ber chu India ram hi faina kawnga hma a sawn theih nan  Urban Town te tan a inelna hrang hrang a buatsaih thin thu a sawi a, Lunglei in best city, best innovation award leh best citizen in citizen feed back award dawn thu a sawi bawk. Faina hapta chhung hian bawlhlawh paih hma a thliar hran chungchang a awareness campaign, VC hnatlang bakah door to door campaign School, market leh office ah te neih a nih tur thu a sawi a ni.

Er. K. Laltanpuia, UD&PA Department in bawlhlawh thliar hran dan chungchang zitirna peiin Pu Lalrotluanga, President, Sub-Hqrs YMA Lunglei in lawmthu sawina a nei a ni.


Attachment

  • Loading attachment...