SIPMIU (NERCCDIP) chuan felfai leh awmze nei taka bawlhhlawh senghawi leh sawngbawl dan, mipuite zirtir tura ruat, Local Sanitation Task Force Supervisors te, Aijal Club –ah sawmin zirtirna hun an hmang a. He inkhawm hi Pu Z.D Lalrotluanga, Executive Engineer SIPMIU in a kaihruai a, Pu Lalhmuaka, Assistant Engineer, SIPMIU in bawlhhlawh sawngbawl dan tur a sawifiah bawk.

SIPMIU (NERCCDIP) hmalakna pakhat, Solid Waste Resource Management (SWRM) hnuaiah hian khawpui a chengte zirtirna beihpui thlak tum a ni a, bawlhhlawh tawihthei leh tawihtheilo thliar hrang a, awmze nei taka senghawi dan tur inzirtir tum a ni. Hemi atan hian Local Council tin ten mahni veng theuhah Local Sanitation Task Force an din a, chumi enkawl tur chuan Supervisor pakhat zel an in ruat a ni. Local Sanitation Task Force leh Supervisors te hian mahni veng theuha in tinah zirtirna an pe ang a (House-to-House Campaign), February atanga July thla chhung hian mahni veng theuh vawi hnih an lut chhuak ang. Zirtirna an pek piah lamah inchhung bawlhhlawh (Domestic Waste) dinhmun zirchianna an nei nghal bawk dawn a ni.