Environment, Forest & Climate Change Department chuan  Bawlhhlawh leh hnawmhnawk tihral dan chungchangah a hnuai ami ang hian thuchhuah a siam.

Bawlhhlawh leh hnawmhnawk, a paihna hmun tur ni lova thehthang mai mai te leh halral te hi Solid Waste Management Rules, 2016 chuan a khap a. He dan bawhchhetute chu kum 5 thleng lungin tan emaw pawisa cheng nuai khat thleng chawitir emaw, a pahnih hmanga hrem theih an ni. Mizoram sawrkar pawhin National Green Tribunal thupek angin 1st December,2018  atang khan Mizoram ah pawnlera bawlhhlawh hal (open burning) khap a nih thu hriattirna ni 14.06.2018 khan a tichhuak a, bawlhhlawh haltute chu a tlem tham deuh hal-ah ₹ 5,000/- leh a tam tham deuh hal-ah ₹25,000/ - “Environment Compensation” atan chawitir theih an ni. Chung pawisa chawi tling khawmte chu Aizawl-ah chuan Mizoram Pollution Control Board leh hmun dangah chuan Deputy Commissioner theuh te’n “Arrears of land revenue” angin sorkarah an chhunglut ang.