287/2026-2027 

Lawngtlai, 25th April 2026 : Lawngtlai District chhunga Bawng leh Lawi lakluh/phurh luh chungchangah a hnuaia mi ang hian Lawngtlai Bawrhsap chain thuchhuah a siam.

ORDER

Tunlai hian kan thenawm ram Myanmar ah bawng/lawi pul hri a leng mek nia thu dawn a ni a. Chuvangin Lawngtlai District chhungah kan ran vulhte a lo him zawk theih nan, ramdang atanga Bawng leh Lawi lakluh hi khap tula hriat a ni.

Chuvangin kei, DONNY LALRUATSANGA, MCS, DISTRICT MAGISTRATE, LAWNGTLAI DISTRICT, LAWNGTLAI chuan Section 165 of Bharatiya Nagarik Suraksha Sanhita (BNSS), 2023 in thuneihna min pek angin a hnuaia thupek hi ka chhuah e.

"Mitupawh kan thenawm Myanmar atangin Lawngtlai District chhungah Bawng leh Lawi lakluh/phurhluh khap tlat a ni."

He thupek zawm lo chu Section 223 of Bharatiya Nyaya Sanhita (BNS) hmangin hrem theih an ni ang.

He thupek hian Lawngtlai District pum a huam ang a, thu leh awm hma chu tihchhuah a nih atanga thlahnih(2) chhung a huam ang.

He thupek hi vawiin Date 24/4/2026 hian District Magistrate Seal - a nemnghetin hming ka ziah hnan e.

Sd/-

DONNY LALRUATSANGA
District Magistrate,
Lawngtlai District, Lawngtlai