286/2026-2027 

Dated Aizawl the 25th April, 2026 : Hospital-a damdawi zawrhna dawr awm a pawimawh zia chu mitin hriat a ni a, Drugs Rules, 1945 hnuaiah damdawi zawrhna dawr hi siam theih a ni. Sawrkar leh Private Hospital-te dinhmun erawh hemi kawngah hian a inang veklo a ni.

Sawrkar Hospital chu mipui tana din (public institution)a nih angin, mipui hamthatna tura damdawi zawrhna dawr siam hi Drugs Rules, 1945 hnuaiah kawnghnihin a tih thei a, hetiangin :

1. Drugs Licence ngai lova damdawi pek (supply/dispense) theih dan : 

Entry 5A of Schedule K of Drugs Rules, 1945 chuan sawrkar hospital-te chu dan phuarna lakah engemawchen a awl (exempt) a. Chumi tlawh chhan chuan sawrkar hospital-ah drugs licence hranpa ngai lovin damdawi zawrhna dawr (dispensing facility)a siam theih ani. Hei hi siam a nih chuan hengte hi zawm ngei a ngai :

i) Pharmacist-in chu hmun chua enkawl ngei tur a ni.

ii) Damdawi Ina damlo awmte(in-patients) leh hospital doctor rawntute(out-patients) hnenah chauh damdawi hralh theih a ni a, pawn lam mi a duh apiangte tana damdawi lei theihna tur a ni lo.

iii) Hei hi retail dawr pangngai ang ni lovin, hospital service atan chauha ni.

iv) Damdawi dawr enkawlna kawng hrang hrangah Drugs Rules an zawm tur a ni a, Drugs Inspector-ten an endik thin ang.

2. Drugs Licence pangngai nei a damdawi zawrh theih dan :
Sawrkar Hospital tan Drugs Rules, 1945 hnuaiah drugs licence pek theih a ni bawk. Hospital hotu Medical Superintendent emaw Director emaw hminga pek hi, mimal thil leh mimal sumdawnna a nih loh avangin danah a remlohna a awm lo va, State Licensing Authority-in Sawrkar Hospital dinhmun thlirin licence pek theiha a ngaihte a pe thin a, hetiang licence hi sawrkar hospital engemawzat ah pek a ni tawh a ni. Hengte hi damdawi dawr dinhmun tur chu a ni :

i) Pharmacist enkawlna hnuai a awm a ni ngei tur a ni a, hospital-a sawrkar pharmacist thawk lai te chu Pharmacist In-charge anga pawm nghal theih an ni. Pharmacist full-time-a thawk tur lak an nih pawhin pawm a rem lohna a awm lo.

ii) Damdawi Ina damlo(in-patients)leh a pantute (out-patients)bakah, retail dawr pangngai angin pawn lam atanga damdawi lei duh apiangte hnenah prescription an neih ang zia zelin damdawi hralh theih a ni bawk.

iii) Kawng engkimah Drugs Rules, 1945 an zawm tur a ni a, a tul angin Drugs Inspector-ten an endik thin ang.

Sd/-

F.Lalliantluanga
Jt. Director of Health Services
Food and Drug Administration(FDA)
Directorate of Health Services
MINECO, Aizawl, Mizoram