Tualchung chanchinbu pakhata Bawngkawn a Excise & Narcotics Department in ram an lei chungchang chhuak chu Excise & Narcotics Department chuan hrilhfiahna a hnuai ami ang hian a siam.
Excise & Narcotics Department chuan ram an lei duhna chu open advertisement vide No. D.11014/1/95 – COMEX dt. 13.5.1997 hmanga chhuahin, mimal ram neitu 6 (paruk) in he advertisement hi an chhang a ni.
Excise Department in ram an lei duhna bawhzui leh a ram leilung awm dan enfiah turin Inspecting Team, Commissioner of Excise Chairman-na hnuaiah din in , he Team a member dangte chu Superintending Engineeer PWD, Deputy Commissioner of Excise leh Asstt. to Deputy Commissioner (Revenue) te an ni. Inspecting team hian heng mimal ram te hi August ni 8 1997 khan an enfiah a, mimal ram hrang hrang an enfiahna ah hian ram leh building awm dan te hian an Department in ram an mamawh chu a phuhruk em, ram chu a rem em tih te an enfiah a ni. A neitu ten ram man an chhan chu a sang lutuk em tih leh parking na hmun tur a awm thei dawn em tih te an buk bawk.
Pu Kawlkhuma ram Bawngkawn Lunglei Road ami chu ram paruk atangin, Excise Deaprtment ram mamawh dan a mil ber in an hria a, a rem ber leh a tha ber in an ngai bawk. He ram leh a chhunga awm building man chu PWD leh Revenue Department in Cheng nuai 71.37 in an chhut a. Ram man tihniam tura an ngenna chu a neitu in remti in Cheng nuai 68 in a phal ta tih an tarlang.
Ram leina tur sum chu Sorkar chuan Installment hnih in a sanction a. Installment hmasa zawk Rs. nuai 31.50 chu lekhna No.D.14016/1/95 – EXC dt. 30.3.1999 hmangin a sanction a. Installment hnihna cheng nuai 36.50 chu lehkha No.D.14016/1/95 – EXC/Pt : dt.25.8.1999 hmangin sanction leh a ni.
Ist Installment Cheng nuai 31.50, March ni 21, 1999 a ram neitu an pekna chu Commissioner of Excise chuan Excise and Narcotics Department chu lehkha no. D.11014/1/95-COMEX dt. 21.7.1999 in a hriattir bawk.
Cheng nuai 68 a ram leina ‘Sale Deed’ chu Excise & Narcotics Department aiawhin khatih hunlaia Excise Secretary leh he ram neitu Pu Kawlkhuma chuan September ni 14 , 1999 khan an ziakfel tih chu Excise & Narcotics Department thuchhuah chuan a tarlang bawk.
