No.2972/2021-2022

Aizawl, the 12th November 2021: Traffic Sr SP Rodingliana Chawngthu chuan Aizawl District PWD National Highway Division-I ten NH-54 (178-179) Bawngkawn, Durtlang Junction atanga Hauva Petrol Pump inkar kawng siamthat hna (Concrete pavement) an thawh dawn avangin ni 14.11.2021 (Pathianni) atanga hmantan turin helai kawngpui chanve kharna thupek a ti chhuak.

Kawng siamthat a nih atanga hun engemaw chen; a char hun chhung (curing period) hian lirthei te hi inchhuahchawk tur a ni a, chuvangin a hmuna Traffic Police duty te thu zawm theuh turin helai kawngpui hmangtu mipuite hriattir leh ngen an ni. Hna thawhna huam chhung kawngpui sirah lirthei leh bungrua engmah dah/park phal a ni lo.

He thupek hian hna thawh zawh a nih hma chu a huam ang a. A hmun a Traffic police duty ten a tul dan a zirin ruahmanna an siam thei dawn a ni.