No.2971/2021-2022

Aizawl, the 12th November, 2021: State Election Commission thuchhuak angin By-Election neihna tur veng Local Council 5 - Armed Veng, Laipuitlang, Tuithiang, Venghnuai leh Zemabawk te Electoral Rolls Summary Revision, 2021 neih tur a ni a. By-Election neihna tura Summary Revision of Electoral Rolls, 2021 neih tur chungchangah hian District Level Standing Committee chu vawiin khan DC Conference Hall-ah thutkhawm a. He hunah hian Addl DC Aizawl Pi K.Vanlalruati chuan Draft Electoral Roll-te tlangzarhin, a duh apiang tan en theih turin tarchhhuah a ni.

Aizawl District chhunga heng By-Election neihna tur Local Council Constituency 5-te Draft Electoral Roll tarchhuah takah hian vote nei 15016 an awm a, heng zinga 7966 chu hmeichhia an ni a, 7050 chu mipa an ni. Ni 13.11.2021 atanga ni 15.11.2021 thleng Electoral Roll-a luh thar dilna te, hming paih, siamthat leh insawn duhte tan dilna (claims & objections) Local Level Officer hnenah thehluh theih a ni ang. Heng dilna lutte enfiahna hun (Disposal of claims & Objections) chu ni 16.11.2021 ah neih a ni ang a, a tuk ni 17.11.2021 ah Electoral Roll thar chu chhut (print) a nih hnuah ni 18.11.2021 ah Final Publication of Electoral Rolls tarchuah a ni ang. Meeting-ah hian MERO/AERO ten an hmalak dan tur an sawiho nghal bawk.
.
Local Council By-Election neih tur huamchhungah ni 01.01.2021-a kum 18 tlingte tan Electoral Roll-a hming ziah luh thar hi dil theih a ni a. Local Council Electoral Roll hi a hran hlak a nih avangin MLA/AMC Electoral Roll-a hming awm si, LC Roll-ah a awm loh palh theih avangin, hming inziak lut thar turte emaw tihdanglam ngai neih apiangte chuan mahni bial chhunga LLO/BLO te hnenah zawhfiah a, application form kimchang takin thehluh vek tur a ni.