No.1641/2021-2022

Aizawl 31st July 2021: Aizawl DC chuan Bawngkawn Veng hmun thenkhat Containment Zone/Area-a puan hlih a nih thu a chhuah a. Hemi chungchanga DC thuchhuah chu a hnuai a mi ang a ni e.

The Disaster Management Act, 2005 Section-34(b)(c) behchhan leh he Office lehkha No.C.16011/298/2020-DC(A)/Lockdown Dt. 12/07/2021 hmangin Bawngkawn Veng (Chawngbawla Section) hmun thenkhat chu Containment Zone/Area-ah puan a lo ni tawh a.

Chief Medical Officer, Aizawl East in a zirchianna leh a tul anga hma a lak hnuin, Bawngkawn Veng Containment Zone/Area hmun thehkhat chu ni sarih chhung CoVID-19 positive case thar an awm tawh loh avangin a sawrzim rawtna a rawn thlen a. He rawtna ang hian Bawngkawn Veng (Chawngbawla Section) hmun thenkhat Containment Zone/Area-a lo puan tawh chu 31.07.2021 (Inrinni) Tlai dar 3:00 atangin hlih a ni.

Containment Area hlih tur huamchhung :- Chawngbawla Section –
Pu Lianthuama In bul kawr chhuk thla zar zar in, venglai kawng zawh phei
in Khuangchera Section nen a inrina kawr zawh chho in St. John Paul’s Church Biak in bul step chho leh in. (Chhungkaw zat: 90)

Containment Area in a la huam tur te:-
Pi Engliani Building (Chhungkaw zat :1)

Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.