No.1640/2021-2022

Aizawl 31st July 2021: Aizawl DC chuan Bethlehem Vengthlanghmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Section-34(b)(c) of the Disaster Management Act, 2005 behchhanin Bethlehem Vengthlang hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in a zirchianna leh a tul anga hma a lak hnuin Bethlehem Vengthlang hmun thenkhatah hri kai thar an awm belh zel avangin hmun thenkhat Containment Zone/Area-a puan a rawn rawt a. He rawtna ang hian a hnuaia Bethlehem Vengthlang (Taitesenna Section) hmun tarlante hi ni 30.07.2021 (Zirtawpni) Zan dar 9:00 atangin Containment Zone/ Area-ah puan a ni.

Bethlehem Vengthlang Containment Zone puan belhna:

Khuangchera Section:
Pu Ramherliana In bul kawr atanga chhukthla in Pu BP Thanga In thleng, chhak lamah Pu JT Kunga in huam telin.

Neuva Section:
Pu Dohranga te In leh Pu RK Lalthafamkima te in inkar atanga tan a, chhukthla zelin Pu C Dolianate In thleng.

(Total No. of Household contained – 70)
Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.