Vawiin khan Kolasib bawrhsap Dr. Arun T hoin Gas Agency te chu thukhawmin chak zawka Gas Connection neilo te hnenah Gas Connection pek an nih theih dan tur sawihho a ni.

Pradhan Mantri Ujjwala Yojana hnuaia meikhu awmlohna khua (smokeless village) siam tumna kal zelah a thlawna Gas connection pekchhuah chungchanga Gas Agency ten harsatna hrang hrang an tawh dan te ngaihthlak ani a, chung harsatna sutkian dan tur chu sawiho nghal bawk ani. Kolasib District a khaw 52 awm zinga khaw 22 te chu Smokeless Village a siam turin hmalak mek ani a, heng khuaah te hian Survey neih mek niin Gas Connection la nei velo te zawnchhuah a, hma thei ang bera a thlawna Gas Connection pek chhuah tum ani. Bawrhsap chuan chak zawka hmalak a nih theihnan Gas Agency te chuan VC te chu hna an thawhpui thiam a tul a ni tiin mipuite tana hnathawk kan nih angin mipuite hamthatna chu rilru leh tihtak zeta kan ngaihpawimawh a tul a ni a ti a, hemi kawnga puih theihna leh titheih a neih chuan Gas Agency te chu puih a inhuam reng thu sawiin Gas Agency te chu taima taka thawk chhunzawm turin a chah bawk ani.

He hunah hian Pu D.Biswas, Senior Manager, Silchar Area, IOCL bakah Mizofed, Auva leh Ramliana gas Agency aiawha an hotute an tel ani.