Vawiin khan Venglai Parish hall Kolasib ah Mizoram State Rural Livelihoods Mission, Kolasib hnuaia Self Help Group Member te tana buatsaih Aajeevika Diwas hman a ni.

He hunah hian Khuallian Dr.Arun T, IAS Kolasib Bawrhsap chuan National Rural Livelihood Mission hnuaia Self Help Group din ina thil tum 3 a neih pawimawh tak te chu 1)thil thar siam/dehchhuah/Asset Creation, 2) Sum peipun leh hailuh/ Revenue generation leh 3) Mimal hmasawnna/ Skill Development ani tiin Rural Livelihood Mission hnuaia Self Helf Group te ina hamthatna an dawn thin Fund chi hrang hrang heng revolving Fund leh Start up capital etc leh loan an puk theihte chu thil ho lam leh mahni nawmchen nana hmang mai mai loin thiamna leh theihna tihpun/Skill Development na atana hman a pawimawh thu a sawi a, Mizoram ah chuan Industry lian pui pui te a awm ve loh avangin thil chi hrang hrang siamchhuah heng sahbawn, bati, mobile chhe siam zir leh lehkhpuan hmanga thil siamchhuah te chu hmalakna chi tak pawh anih theih thu sawiin State tamtak a bikin Kerala leh Bihar ah te chuan Self Help group te'n tha takin hma an la mek a , Petrol pump leh Micro ATM te enkawlin Bangladesh ah ngei pawh tha takin hma an la a, Mizoram a Self Help group te pawhin an theihloh na chhan tur a awmloh thu a sawi bawk. Sawrkar chuan a tanna tur min pe a, a kawngzawh dan tur min kawhhmuh vek tawh a, rilru sukthlek dik pu chunga tum mumal neih leh hlawhtling ngei tura kalpui chu SHG member te mawhphurna anih angin kalkhawm te chu hlawhtling taka an hmachhawp te an hlen theihnan duhsakna a hlan bawk ani.

He hun kaihruaitu Pu Lalnunhlua , Project Director DRDA, Kolasib chuan NRLM hnuaiah peng hrang hranga hnathawh dan sawiin  SHG leh Village Organisation lo enkawl tu te, Pawisa hman dan leh puk dan zirtirtute, eizawnna tur buaipui tute , kut themthiamna an neih theih nana zirtirtute leh heng zawng zawnga hmalakna lakhawma Sawrkar hnena thehlut tute an awm thu a tarlang a ni.

Chairman chuan Kolasib District chhunga Mizoram State Rural Livelihoods Mission hmalakna te report pe in March 2018 thleng khan khaw 33 atangin SHG 623 an awm a, Village Organisation 41 an awm bawka, Sum pekchhuah tawh chu Revolving Fund cheng Nuai 156.8, Community Investment Fund cheng nuai 447, Vulnerability Reduction Fund cheng 74.84, Bank loan cheng nuai 145, hemi bakah hian Start Up Cost atan SHG tinah cheng 2500 leh VO tinah 25,000 zel pek an ni, hemi bakah hian SHG ten meeting an neih apiangin member te remchan angin pawisa an thawhkhawmin an khawl thin a, chung zawng zawng atang chuan tun dinhmunah cheng nuai 1000 vel a chet kual thu a tarlang a ni.   

He hunah hian Pi Roengi, Esther Self help Group, Buhchangphai hnen atangin ama mimal leh a member puiten SHG an hlawkpui dan (sucess story) ngaihthlak ani a, Women Helpline, Social Welfare Department atangin hmeichhia te laka hleilenna a thlen thula hmalak dan tur zirtirna ngaihthlak bawk niin, Thingtlang hmasawnna na atana Bank hnathawh dan kalphung leh Social Security scheme hrang hrangah zirtirna ngaihthlak bawk ani.