No.4250/2021-2022
Aizawl, the 11th March 2022: Vawiin ni 11/3/22 chawhnu dar 2 khan Aizawl Bawrhsap Dr. Lalhriatzuali Ralte, Chairman, DTFME nibawk kaihhruaina in Vaivakawn Branch YMA Conference Centre-ah District Task Force & Committee for Elimination of Malaria in Aizawl District neih a ni.
He hunah hian Line Department hrang hrang leh Kohhran pawl leh Tlawmngai pawl te atangin member te an tel kim hle a. Kum 2021 chhunga Aizawl East leh West District huam chhunga Malaria dinhmun powerpoint presentation hmangin thlir ho a ni a. Hemi hnu hian Intensified Malaria Elimination Programme sawina neiin Aizawl East & West District te Category 1 (Elimination phase) ah kan awm tih tarlan a ni.
Kum 2030 ah hian Malaria hlawhtling taka umbo vek tum anih thu sawi a ni a. Hemi atan hian thu pawimawh tak tak rel ni in kohhran hrang hrangah Malaria Umbona turin Kohhran mipui te hnena zirtirna pek tur chhiar chhuah tur bakah Sunday School zirlaiah te pawh dah tel dan zawn ni se tih rel a ni. Kohhran tinah Ngenna siam ni se tih ani a;Fisheries Deptt lam ten thosi note(larvae) ei thei tur Omnivorous Fish enchhin nan, Common carp leh sangha chi dangte,sangha dil thenkhat ah dah chhin tura ngen nise tih a ni a.
Construction workers leh ram palailenga hnathawhna hmunah Malaria hmuh chhoh tam a ni leh ta chu a veiawmin, heng hnathawktu sorkar department te leh private contractor te hnenah an hnathawkte Malaria lak a himna tura zirtirna leh hmalakpui tura Ngenna leh hriattirna pek ni se tih a ni a. CYMA lam te’n an Magazine kaltlangin Awareness lo nei thei se tihte leh vengchhunga Branch YMA tin te Chamchinbu kaltlang pawhin Inzirtirna a theih anga tam lo pe zel tur leh an programme/Ni pawimawh ah Malaria lam hawi a Inzirtirna kalpui leh hmalakna lo nei thei se tih rawt a ni.
School Education department kaltlang pawhin school naupangte ah zirtirna uar zawka kalpui rel ani a . RD hnuaia Ni Za inhlawhna(MNREGS) kaltlangin,a theih anga tamin BDO kaltlangin,Source Reduction(thosi pianna hmun tih tlem)lama hmalakna nei tura ngen nise ti a rel ani bawk.
Anganwadi Centre tinah IEC lam hawi thu, naupang hriatthiam theih tura Pamphlet/Card/Posters siam nise, Anganwadi Workers ten an naupangte ah zirtirna kalpui uar sauh sauh se tih ani a.
Ramriak te Malaria laka an lo him zawk nan an thosilen te Sub Centre ah engtiklai pawhin chiah sak theih an ni tih tarlan anih bakah Sub Centre leh Health facility hrang hrangte ah thosilen chiah kawnga inhawng leh zual tura in hrilh ni se, zau zawka inzirtir leh zirtirna ang ngeia zawm tura hmalakna chak zawk mamawh thu sawilan abni bawk.
Aizawl khawchhung ah Dengue case awm chho zel mai chu ṭan lak a ngai hle nia hriat ani a, a tlakhniam theih nan AMC hnuaia Local Councils leh NGO ten thosi tam na hmun, veng tina kawrkam hnaih laiah te Fogging tih a ṭul thu te leh Fogging ti duh Local Council ten an mamawh chuan a tui(diesel) in tum chawpin State Rapid Response Team SCVBDC te koh theih reng an nih thu tarlan a ni.
Chairman hian Early detection and complete treatment pawimawhna leh sorakar department hrang hrangte leh kohhran leh tlawmngai pawlte chu 2030 hmaa Aizawl District a Malaria leh Vector-borne Disease tihrêm vek anih theih nan ṭan rual pui ah sawmin , Meeting hi tih tawp a ni.
Attachment
- Loading attachment...
