No.4249/2021-2022
Aizawl March ni 11 : Vawiin chawhma dar 11:00Am khan DRDA Rural Resource Centre-ah  Mahatma Gandhi National Rural Employment Quarantee Scheme, Observance of International Women's Day under Azadi Ka Amrit Mahotsav hun hman a ni. He Programme hi Pi Galilee, Addl. Programme Officer (DEGSU) DRDA chuan a kaihruai a ni.

He hun hmanpuitu Pu Abraham Beirazi Khithie,PD,DRDA chuan fuihna thuchah te sawiin, Siaha leh Tipa RD Block aiawh a hmeichhe mates te leh hmeichhe Job Card beneficiaries 14 awm zinga he programme rawn chhim thei mi sawm leh pakhat te hnenah Citation leh DA hlanna hun a hmang nghal bawk a ni.

Siaha RD Block Women Beneficiary aiawhin Pi Nghakmawii, New Siaha east-I leh Pi J. Ngunmawii, New Colony-IV ten thusawina hun hmangin, Job Card an tangkaipui thute an sawi a ni. Tipa RD Block Women beneficiary aiawhin Pi Neihkimi pawhin thusawina hun hmang vein, Job Card kaltlanga Terrace, Farm Pond etc te siam a ni a, kan sum lakluhna hnar ber a ni tiin, sawrkar hnenah pawh thinlung taka a lawmthu te a sawi ve bawk a ni.