No.4248/2021-2022
Aizawl the 11th, March 2022 : Vawiin chawhnu khan DCs Conference Hall, Lungleiah District Level Fire Prevention Committee thutkhawmna neiin Special Investigation Team ten Mizoram a kangmei chhuah chhan an hmuhdan leh thurawn pekte ngaihtuah honna neih a ni.

District Level Fire Prevention Committee hi Chairman Lunglei Bawrhsap Pu Kulothungan A chuan kaihhruaiin nikum khan Mizoramah kangmei nasa tak kan tuar a, Lunglei District hi a tuar nasa zing ami kan ni a ti a, Mizorama kangmei chhuan dan chhuitu Special Investigation Team te pawn min rawn endik thu a sawi a. Lunglei District in kangmei tichhuak lova, venhim nasat a ngaih thu a sawi bawk.

Special Investigation Team in District Level Fire Prevention Committee te thurawn pek leh hmalak na tur sawi honna neih a ni. Committee chuan thla 2-4 chhunga hmalak tur thenkhat kangmei chhuah theihna hmun finfiah te, kangthelh motor ten awlsam taka tui point atang tui an thun theih dan leh tui point tam zawk siam belh te, mipui te hnenah kangmei chungchang training pek te,kangthelhna hmanraw lei te, District chhunga tlangram lo nei zat chhinchhiah te sawi ho hmalakni nise tih a ni. Thla 6-8 chung a hmalak tur thenkhat ram ti kang lo khua te hnena lawmman siamsak te, Line Department siam te, Lo neihna hmun leh a neitu endik te, CRPC- 144 khauh taka kenkawh te, State/District Seminar buatsaih te, Control room siam leh kangthelh hmanrua lei te rel a ni. Hun lo la thleng zel tura hmalak dantur thenkhat tui hna siam tam te, ram kan awlsamna hmuna thingphun tam te, kangmei venna sial leh kangthelh motor lei te rel a ni bawk.