Vawiin Krismas leh Kumthar lo thleng tur Lawngtlai mipuiten nuam taka an hman theih dan tur ngaihtuah in Lawngtlai Bawrhsap Pu J.Hmingthanmawia leh Lawngtlai khawpui chhung a NGO leh Village Council leh Police hotu ten Meeting an nei.

Meeting chuan hunpui vuakvet chhungin Halpuah, Halmawi leh Naupang Silai lem a mu kapchhuak thei chi Lawngtlai DC in zawrh leh hman a lo khap tawh chu chaktaka bawhzui tha an ti a, hetiang ang chi zuar lo tur leh hmanglo tura mipuite ngenna nasa zawka puanzar bakah Kohhran hrang hrang ah pawh ngenna siam tha an ti. Zu leh ruihhlo dang pawh khuahkhirh a nih theih nan hmalakna kalpui dan tur an siam bakah hunpui vuakvet chhungin Veng tinah Duty Post siamin buaina leh boruak thalo thlengthei lakah himna a thlen theih nan YLA leh VC te Duty se, Police lam pawh Patrolling nei reng se an ti bawk.

Heng bakah hian Lawngtlai khawpui chhung hmun lunlaite cheimawi leh nise an ti bawk.