Vawiin hian Lawngtlai Bawrhsap Pu J. Hmingthanmawia chuan Lawngtlai leh Lunglei inkar National Highway kawng siam hna thawh meka Lawngtlai District chhung bika hnathawh te a en pui.

Pu J. Hmingthanmawia chuan hnathawktute chu an harsatna te sawipuiin tluang taka hna a kal reng theih nana mamawh hrang hrang te a thlir pui a, thil tul awm ang ang te chu a hnena thlen turin kawng siamtute chu a hrilh a ni.

Lunglei leh Lawngtlai inkar National Highway hi GP Project, Silchar ten tunah hian an thawk mek a, Bawrhsap in kawng a tlawh lai hian kawng chhuat hluite hiat khawkin kawng chhe bik laite siam rem dan tur an ngaih tuah mek bawk a, khuate a tha chho zel a nih chuan chak zawka hna kalpui theih an inbeisei thu an sawi a ni.

Bawrhsap hi Lawngtlai Superintendent of Police Pu Lalsanglura leh PWD hotute bakah Lawngtlai District Commercial Vehicle Joint Action Committee hotuten an tawiawm a ni.