2664/2023-2024
Inthlanna muanawm tak a awm theih nan a hnuai ami ang hian Aizawl District Bawrhsap chuan khuahkhirhna thupek a chhuah:
"Kan hriat theuh angin Mizoram Legislative Assembly Inthlanpui 2023 chu Dt. 7.11.2023 hian Mizoram pumah neih a ni dawn a. Mipuiten boruak muanawm leh felfai tak hnuaia vote kan thlak theuh theih nan khuahkhirhna thupêk chhuah a lo ngai leh ta a;
"Chuvangin kei, Nazuk Kumar, IAS, District Magistrate, Aizawl District, Aizawl hian Section 144, Cr.P.C., 1973 (Act II of 1974) in thuneihna min pêk angin a hnuaia thupêk hi Dt. 5.11.2023, 4:00 PM atanga Dt. 7.11.2023, 4:00 PM (48 hours) inkar chhunga Aizawl District huamchhung mipuite zawm tur in hetiang hian ka chhuah e:
1. Khawi hmunah mah mi panga (5) aia tam punkhawm emaw inhawrkhawm phal a ni lo.
2. Aurinna (Loudspeaker) hman khap a ni.
He thupêk zawm lo te chu IPC Section 188 hmangin an chungah na taka hremna lek a ni ang.
Amaherawhchu, he khuahkhirhna hian Magistrate, Police leh Armed Force, Election duty te leh medical emergency kaihhnawih thil te a huam lovang.
He thupêk hi vawiin 4th November, 2023 hian Court Seal a nemnghetin hming ka ziah hnan e."
