Vawiin chawhma dar 11:00AM khan District Bawrhsap Pi Harleen Kaur IAS chuan Tisi khuaa Sub-Centre cheng nuai 7 senga sak  a hawng.

He sub-centre sakna sum hi Nikum 2017 a Siaha District in Prime Minister Award for Excellence in Public Administration a dawn a, tangkafai a kel tel cheng nuai Rs.10/- atanga hman a ni.

He Sub-Centre hawnna inkhawmah hian  thu sawiin Pi Harleen Kaur chuan PM Award for Excellence in Public Administration in“ sum fai a ken tel cheng nuai Rs.10/- hi a tangkai theih ang bera hman kan duh  a.  Tisi khuain Sub-Centre an mamawh hle tih kan hriatin, Health leh Education hi kan ngaih pawimawh ber thil a lo ni sa bawk nen, Sub-Centre sak nana hman hi kan ti thlu ta a ni. He Sub-Centre hian nasa takin Tisi khua chu hriselna kawngah hma a sawn tir ka beisei  a ni, a ti.

He Sub-Centre sak hna in Tipa  BDO  office in an thawk a, zau zawng hi feet 24×12 a ni a. RCC building niin, a chungkhuh erawh rangva hman a ni.  Room 2 a awma Nau neihna(Delivery room) room bikah chuan a chhuat pawh Tile phah vek a ni.

Tisi khuaa programme hman zawh hnu hian Pi Harleen-i chuan Tipa Civil Hopital te tlawh in, Circuit House-ah Tipa khawtlang hruaitute nen an inkawmhona hun an hmang bawk.

Pi Harleen Kaur IAS hi  Dr.Lalnunziri SMO, Pu N.Vabeiratlua DIPRO, Dr.Lalsanglura,Tipa MO leh Pu Andy Lalfakzuala BDO Tipa RD Block ten an tawiawm a ni.