Vawiin hian Serchhip Bawrhsap      Dr. Lalrozama, IAS chuan Serchhip Field Venga UD & PA Department in Auditorium an sak mek chu a enfiah. 

Dr. Lalrozama chuan, Pathian zarah harsatna dangte a awmlo anih chuan Mizorama Auditorium tha ber pawl Serchhip in a nei thuai dawn a. Serchhip mipuite tan malsawmna ropui tak pakhat ani, hetianga hall tha leh changkang ngaihtuahtu leh min sak saktu Department pawh an fakawm hle ani, a ti. Chutihlaiin hetiang ang Hall changkang hmangtu tur mipuite pawhin duat tak leh dim taka hman ngai ani tih hre saa he Hall hi lo hmuakturina chah bawk. 

Bawrhsap hian, Auditorium sak lai bul maia Anganwadi building, khawtlang hruaituten Auditorium hnung deuha School Buildinga sawn pheia, Auditorium Parking Area tih zauh an dilnate a enfiah nghal a. Tin, Auditorium satu company NBCC Engineer te nen Auditorium enin Sound, Light, Seat installation leh hmanraw dangte pawh enfiah nghal ani. 

Serchhip Field Venga UD&PA Department in Auditorium an sak hi mihring 1000, nuam taka an pun khawm theihna tura duan ani a, Main Hall bakah hian Committee Room te, Thutchawlhna Room te, leh room dang engemawzat awmin tunah hian hawn mai theih tura peih thawkhat tawh ani.