Vawiin hian Serchhip District Khelo India Organising Committee chu DC Meeting Room ah, an Chairman Pu K. Lalrohlua, Addl. DC Serchhip hovin an thukhawm a. District Level Khelo India, tun November 24 - 25 a neih tur chungchang an rel.

District Level Executive Committee in a din Organising Committee hian, District Sport Committee hnuaia Sport discipline hrang hrang hruaitute nen he Khelo India District Competition neih dan tur hi a rela. Inbuatsaihna hun a tlem tawh avang leh naupang talent nei thate zawnchhuahna hun pawimawh tak anih bawk si avangin Sport discipline hrang hrang hruaituten an discipline khel thin player tha zawngchhuakin chung miten inelna an hmachhawn ngei theih dan zawn nise tha a ti a. Thingtlang lama mite pawh BDO kaltlanga sawmna siam nise tha a ti bawk.

Inelna buatsaihnaa mawhphurhna hrang hrangte kengkawhtu tur ruat anih bakah, a hawnna programme leh a kharna hun neih dan turte ruahmanna siam ani a, hun bituk chhunga neih zawh dan tur pawh sawiho ani.

Khelo India Competition hi Ministry of Sports and Youth Affairs flagship programme niin naupang, kum 17 hnuai lam, infiamna lama talent nei thate zawnchhuahna programme ani a. India ram District Level inelna neih anih hnuah Dt 1-2 December, 2016 hian State Level inelna neih chhunzawm leh tur ani ang.

Attachment

  • Loading attachment...