No.3659/2021-2022

Dated Aizawl, the 14th January, 2022: Vawiin khan Serchhip Bawrhsap Pu Kumar Abhishek, IAS chuan a pisaah Serchhip District Mizoram Journalists’ Association member te chu inthlahna hun a hman pui.

Karleh lam maia Delhi pana kal tawh tur Pu Kumar Abhishek chuan Serchhip bawrhsap hna a thawh chhunga Journalists hote thawhpuina tha tak a dawn thin avangin lawmthu a hrilh a, mipuite tan hna tangkai tak an thawk nasa hle tih hrilhin an hma lam hunah pawh thahnem ngai taka bei chhunzawm zel turin a chah a ni. Serchhip district mipuite an thain kaihhruai an nuam em em a, chutihrualin hmasawn an mamawhna laite pawh a awm ve bawk a, a bikin mipuiten zirna leh hriatna lama hma kan sawn zel a tula, vantlang hriselna kawngah pawh hmasawnna tur kan la ngah hle bawk a ni. Heng kan hmasawn zel theihna kawngte hi nasa taka lo umzuia lo bei zel turin ka ngen che u a ni, tiin a chah a ni.

MJA aiawhin President Kapliana Pachuau chuan hriatrengna thilpek a hlan a, Pu Kumar Abhishek chu a theihna zawng zawnga Serchhip district tana thawktu, hruaitu fel tak nia a hriat thu a sawi a. A hmalakna zarah Corporate Social Responsibility Fund tam tak kan hmu ringawt pawh hi nakin thlenga hriatreng tlak a ni, a ti. Serchhip district tana a inpekna zawng zawngah lawmthu hrilhin a hnathawh zelna turah duhsakna a hlan a ni.