Vawiin khan DC Conference Hall-ah Champhai Addl. DC Pu Zoengsanga kaihhruaiin District Level Standing Committee thutkhawm a ni.
He thutkhawmah hian Champhai khawpui chhunga ransa chi hrang hrang man bithliah thar a niin, sa zuartuten sa thianghlim chauh zuar tur leh bukna dik tak hmang tura atih bakah sorkar in a hriatpui sa zawrhna hmunah chauh sa zuar turin a ti nghal a, Champhai khawpui chhung bika ransa zawrhna man tur bithliah thar hi tunkar Inrinni (1.3.2014) atanga hman tan turin tih a ni bawk.
Ransa zawrhna man tur bithliah tharah hian : Bawng, Lawi leh Sial sa ( a ti) Kg 1 @ Rs 300.00, a ruh Kg 1 @ Rs 200.00, a thin kg 1 @ Rs 300.00. Vawksa kg 1 @ Rs 250.00. Ar a pum kg 1 @ 180.00 leh puah sa kg 1 @ Rs 250.00. Phai sangha a lu telin kg 1 @ Rs 200.00 leh a lu tel lovin kg 1 @ Rs 230.00. Ui sa kg 1 @ Rs 500.00 leh Kel sa kg 1 @ Rs 300.00 a ni a, he sa bithliah thar hi sa zuartute leh sa leituten an zawm ngei theih nan khauh taka ken kawh a nih dawn thu he thutkhawmah hian tarlan a ni.
He thutkhawmah hian Champhai SDC, SDO (C), Addl. SP, IPRO Legal Metrology, Butcher Association, Livestock Society, Champhai Joint VC leh Tlawmngai pawlte an tel a, sorkarin sa zawrhna hmun tur a ruahmanna hmun lova sa zuarte chu an chungah dan leh thupek ken kawh anih tur thu dawn a niin, he thutkhawmah hian Champhai Filling Station a POL din hmun leh Gas chungchang pawh ngaihtuah tel a ni bawk.
