Nimin (30.5.2012) zing dar 7:00 khan Bazar veng Lunglei a Parralel road kawngpui zauh mek chu Pu Joseph Lalhimpuia, MLA, HPC Vice Chairman leh HPC member Pu C.Robuanga, Pu.P.Lalhmangaihzuala, Pu C.Lalhmingliana te bakah PWD SE Pu Bowmen, leh a thawhpui dangte bakah media lamten an tawiawm a ni.

He kawngpui zauh hi HPC sum cheng nuai sawmthum senga Department work a thawh a ni a, kawng zauh bakah retaining wall te siam a ni. Sum dinhmun nen khai khin chuan hnathawh hi a tha viau niin a entuten an sawi. HPC member te hian Bazar veng a community Hall sak mek 120X60ft. chu a hmun ah an en nghal a, he Hall sak zui nan hian HPC Lunglei hian Rs. nuai 12 an pe a. Rs. Nuai 9 la chhuak tawh in a bang an siam mek a ni. A chung khuh na hi Pu P.C. Lalthanliana, Social Welfare Minister in a lo tum sak tawh bawk a ni