Vawiin hian Beti Bachao Beti Padhao (BBBP) Serchhip District Task Force te chu an Chairman Pi Sangchhin Chinzah, Serchhip Bawrhsap ni bawk hovin an thukhawm a. BBBP hnuaia hmalak tawh chin leh hmachhawp awm te an sawi ho.

Chairman Pi Sangchhin Chinzah chuan BBBP chu hmeichhe naupangte venhimna leh zirna lama kaihhruaina hmalakna a nih thu sawiin, Ministry of Women & Child Development chuan Serchhip pawh he hmalakna kalpui nan a rawn thlang a. A kalpui dan tur an rawn duan milin Action Plan siam a ni a, tichuan tunah a taka kalpui a ni ta ni, ati a. Line Deparment ten theihtawp an chhuahna ah lawmthu a sawi ani.

He meeting ah hian BBBP Nodal Officer Pu H. Lalhruaitluanga, SDC chuan hmalak tawhna tlangpui a tarlang a, he Programme hawnna hi nikum lama neih tawh niin District chhunga MHIP Branch tin te chu an Branch huamchhunga hmeichhe naupang lo piang tharte enna tur bungrua sem an ni a, Sub Centre thlan chhuah bikah nau chharna hmanrua pek an ni a, District pum huap school re-enrolment programme kalpui niin, Anganwadi te hnenah Awareness Kit pek tur an ni. Strengthening of  District PC & PNDT hnuaiah Ultrasound printer, Serchhip JN Hospital tan lei tur a ni a, nu naupai fisrt trimester chhunga in report te hnenah incentives pek an ni bawk. JN Hospital tanTin, hmeichhe naupangte venhim a tulna inzirntirna hi hmun hrang hrangah neih niin la neih zel tum a ni a. Hriselna leh venhimna lama a hmatawngte (Frontline Workers) tan training vawi engemawzat kalpui tawh niin la kalpui zui zel tur a ni ang. Heng bakah hian BBBP Campaign hi chi hrang hrang, Calendar, Pamphlet, Wall Graphitis etc., hmanga kalpui a ni a, khawtinah Guddi Guddha Board dah tum niin Serchhip ah phei chuan Digital Display Board dah tum a ni nghe nghe. Heng te bakah hian BBBP hnuaia hmalakna hi engemawzat a awm bawk.

Vawiina meeting hian hmalak zui zel dan tur te, tlema thil han her rem deuh ngai awm te an ngaihtuah ho a ni.