Information & Public Relations Department buatsaihin Art Exhibition, “Contemporary Paintings by Leading Artists of Mizoram” ni sarih (7) chhung awh tur chu 20th February 2019 hian New Delhi-ah tan a ni dawn.

Exhibition hi India International Centre Annexe, Lodhi Estate, New Delhi-ah neih a ni dawn a. 20th February 2019 atanga 26th February 2019 thleng hian a duh apiang tan chawhma dar 11 : 00 atanga tlai dar 7:00 thleng tlawh theih tura ruahman a ni. Mizoram Art Development Society member te kutchhuak painting 26 hetah hian phochhuah a ni ang.

Information & Public Relations Department atangin Pi Lallianpuii, Joint Director leh Pi K.Vanlalsangi, Deputy Director ten Art Exhibition hi an ho a ni.