No.6734/2020-2021

Dated Serchhip, the 2nd December, 2020: Vawiin hian Baptist Church of Mizoram, Khawnglung Local Church, Bungtlang te chuan Serchhip Covid Care Centre a Covid19 damlo enkawl mekte tan tanpuina Rs. 20000 chu Serchhip Bawrhsap Pu Kumar Abhishek, IAS hnenah an hlan.

BCM Bungtlang bialtu Pastor, Rev F. Zorinkhuma chuan, a bial chhunga kohhran Rawpui Local Church ten Lunglei lamah thilpek an lo hlan tawh a, Bungtlang Local Church te pawhin Serchhipah an lo hlan tawh bawk a. Vawiinah Khawnglung Local Church ten Serchhip CCC tan an rawn hlan ve leh tih sawiin, CCC a awm damlote mamawh a tul apianga hman atan Bawrhsap hi an pe tih a sawifiah a ni.  Thilpek hlan tur hian bialtu Pastor bakah Khawnglung Local Church Chairman Upa Biakchhawna leh Secretary Upa CC Lalsanga te an rawn kal a, an local Church ah hian chhungkaw 65, member 335 te an lawi mek a, thilpek hi an kohhran Relief sum tlingkhawm atanga an pek a nih thu Upa CC Lalsanga hian a sawi a ni.