No.6733/2020-2021
Ni 31.11.2020 (Thawhtanni) khan Pu Lalnunnmawia Chuango, IAS, Mizoram Chief Secretary leh Chairman, Mizoram Science Centre ni bawk chuan Berawtlang-a Science Centre a tlawh.
Mizoram Science Centre hi Directorate of Science & Technology hnuaia Autonomous Institution a ni a. Chief Secretary hian Science Gallery-a phochhuah thil (exhibits) hrang hrangte, 3D theatre leh Digital Planetarium leh Innovation Hub te tlawhin an hmalak dan a enpui. Mizoram Science Centre-ah hian zirlaite leh mipui mimir tan intihhlimna ni pahfawma science lam hawi zirtirna pe thei thil chi hrang hrang a awm a. Heng Gallery leh exhibits hmang hian tlawhtu mipui leh naupangte hnena science pawimawhna leh chawilarna kawngah hna a thawk thin a. Tun dinhmunah Covid-19 hrileng avangin tlawh theih a ni rih lo nachungin Science Centre-a thawktuten kawng hrang hrangin a tihphuisuihna an thawk reng a ni. Chief Secretary chuan Mizoram Science Centre-in kawng hrang hranga hma a sawn zel theih nan sorkarin theihtawp a chhuah zel tur thusawiin, a thawktuten naupangte rilru ngaihtuahnaa thil awmte haichhuahna kawnga an lo pui thin chu lawmawm a tih thu a sawi a, phur tak leh thahnemngai taka thawk zel turin thawktute a fuih. Zanlamah entlangna (astronomical telescope) hmangin Chief Secretary hovin van lam an thlirho bawk.
Chief Secretary hi Dr.C.Vanlalramsanga, Commissioner & Secretary, Planning Department (Science & Technology), Vice Chairman, Mizoram Science Centre leh Dr. R.K. Lallianthanga, Chief Scientific Officer, Member Secretary bakah Science Centre-a thawktu thenkhatin an tawiawm.
