Bamboo Development Agency (BDA) leh United Nations Industrial Development Organisation (UNIDO) tangkawp chuan Mau tangkai zawk leh eizawnna atana chhawrnaawm zawka hman anih theina turin, ni 15 - 20 May, 2013 chhungin ‘Devolopment of Prototype Products’ training Sesawng-ah a buatsaih a. He training-ah hian mau hmanga eizawng thin (artisan) mi 20 thlanchhuah niin, heng mite training pe tur hian Guwahati atangin mithiam an lo kal a ni. Training-ah hian thiamthil hrang hrang magazine rack, bamboo basket, bamboo lamp shades, etc. te siam zirtir an ni.

BDA leh UNIDO tangkawp hian mipui te’n mau hmanga eizawnna ngelnghet an neihna turin training hi an lo buatsaih fo tawh thin a. Mizo artisan te, Jewelry and ornaments (tlereuh) siam leh mau hmanga thiamthil hrang hrang-ah training pek an lo ni tawh a ni. Heng training avang hian local market-ah mau hmanga siam thiamthil tarn tak lei theih turin phochhuah an nih phah a ni.

Training kharna hun hi ni 20 May, 2013 dar 2:00 p.m. hian hman a ni dawn a, Pu Pc Lallawmsanga, IPS; Principal Secretary, Industry Department leh Executive Director, BDA ni bawk chu Chief Guest niin he hun hi a hman pui ang,. UNIDO atangin Pi Manjula Saikia Bhuyan, National Consultant and Project Expert pawh he programme hmang tur hian Guwahati atangin a lokal bawk a ni.