193/2026-2027 
Lawngtlai, 17th April 2026: Vawiin khan Pu Lalthanzuala, BDO Bungtlang South hovin BDO Conference Hall - ah Inhlantharna leh inhmel hriattirna neih a ni a, Pu F. VL Hmingmianpuia, APO chuan hun a kaihruai.

Pu Laltuanzuala chuan NGO's, VC's, Head of Department, Head of Institution leh Kohhran hruaitute hena lawmthu sawina a nei hmasa a. Block hmasawnna tura theihtawp chhuah a tum thu sawiin, hemi kawnga tha taka thawkpuiah kalkhawmte leh mipuite a sawm a. Sawrkar hmalakna kawng hrang hrangah mipuiten dikna chanvo an neihna tur leh dik leh tha taka hnathawh chu tihmakmawh a nih thu tarlangin, langtlang taka hnathawh a nih tur thu a sawi a. Khawtlang hmasawnna tura mamawh an neih hrang hrangte a hnena thlen fo tura chahin, hmasawnna tura thawhpuiah a sawm nghal bawkm

Hun hmannaah hian sawm bik te an kal tha hle a, Department leh Institution hrang hrang atang bakah Khawtlang hrautute leh Kohhran lam atangin harsatna leh mamawh an neih te sawiho a ni a. A bik takin faina chungchangah hmalak tur a tam hle tih lawm tlangin, tha tak a thawhho ni se an ti a. Hmasawnna tur hnathawh kawng hrang hrangte chu mipuite duh dan leh rilrem zawnga kalpui nei se tiin, theih ang anga thawhho zel ni se an ti a ni.