The Aizawl Post chanchinbu dated 21.10.2014 front page-a lo chhuak (Bawngvulh thlangtute buai) tih chungchang hrilhfiahna AH & Vety Department chuan a hnuai ami ang hian an siam.
NLUP thawhhnihnaah hian Bawnglian vulh thlangtu chhungkaw 380 an awm a, chhungtin hnenah hian bawngpui 2 (pahnih) pek tur an nih avangin Guwahati/Shillong atang hian bawngpui 760 lei tum a ni.
Ngun taka ngaihtuahin Animal Husbandry & Veterinary Department chuan beneficiaries te hi bawng phurhna tur Truck seat ah chuangin, anmahni bawng tur theuh te anmahni ngeiin a hmunah thlang se tih duhsakna avangin beneficiaries te hi Guwahati/Shillong ah tirh an ni a. Shillong ah hian man chawi lo a an thlen theihna tur in In luah sak an ni nghe nghe a ni. Hei hi anmahni beneficiaries pawhin an duhdan a ni a, an tel lo a leisak mai remti tute erawh chu Veterinary Doctor ten an thlan sak thu, thuchhuah chuan a tarlang.
Beneficiaries ten an duhthlan ngei bawng an thlan hnuah Veterinary Doctor ten an hrisel nate uluk taka endikin Bawngpui ching an nih leh nih loh te enfiah vek anih hnuah beneficiaries ten a man chu a neitu hnenah an hlan thin a ni. Chanchinbua thu rawn chhuahtu hian ZNP General Headquarters thu hla chhuah anga a insawi avangin ZNP General Headquarters hian thil an hresual a ni e, tiin thuchhuah chuan a tarlang bawk.
