No.1086/2021-2022

Aizawl 23rd June 2021: Aizawl DC chuan Bethlehem Vengthlang hmun thenkhat chu Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.  

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a. 

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin Bethlehem Vengthlang hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in zirchianna leh a tul anga hma a lak hnuin Bethlehem Vengthlang hmun thenkhat, Containment Zone a lo puan tawh sawrzim leh chu kai thar an awm belh zel avangin hmun thenkhat Containment Zone a puan belh a rawn rawt a. He rawtna ang hian a hnuaia Bethlehem Vengthlang area hmun tarlante hi ni 22.06.2021 (Thawhlehni) Zan dar 10:00 atangin Containment Zone-ah puan belh a ni.

BETHLEHEM VENGTHLANG ( Containment Zone/Area puan belhna):  

Taitesena Section 

1.Taitesena Section, Sikul Veng 

2. Lane 1-na ah Pu KC Lalrinliana in atanga Pu Zathianga (L) in thlengin, Pu Zathianga(L) in atangachhuk in Pu T Lalpianga in thleng bakah Pu Laitluanga in a huam tel ang. 

3. Lane 2-na ah Pu T Pachhunga Colony atanga Pu RZ Vanlalruala in thleng a huam ang.

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.