No.1085/2021-2022
Aizawl 23rd June 2021: Aizawl DC chuan Zarkawt Veng hmun thenkhat chu Containment Zone/Area-a puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh Aizawl DC Office lehkha No.C.16011/298/2020-DC(A)/Lockdown Dt. 13/06/2021 hmangin Zarkawt Veng hmun thenkhat chu Containment Zone/Area-ah puan a lo ni tawh a.
Chief Medical Officer, Aizawl East in a zirchianna leh a tul anga hma a lak hnuin, Zarkawt Veng Containment Zone/Area hmun thehkhat chu ni sarih chhung CoVID-19 positive case thar an awm tawh loh avangin sawrzim rawtna a rawn thlen a. He rawtna ang hian Zarkawt Veng hmun thenkhat Containment Zone/Area-a lo puan tawh chu 22.06.2021 (Thawhlehni) Zan dar 10:00 atangin hlih a ni.
Containment Zone/Area hlihte: Zarkawt Valley (Vanapa Section)
1. Dr.Palaia leh Pu C.Kapzela In bul step chho atanga Pi Dengchhingpuii Colony huamchhung zawng.
2. Pi Saipari In atanga Er.Sanghrima building thleng.Containment Area in a la huam tur te:
Zarkawt Valley (Vanapa Section)
a) Pu K.Lallura (L) building atanga Dr.Lalengi Colony. (Hei hian inhnuai dawr zawng zawng a huam tel ang.)
Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.
