No.1084/2021-2022
Aizawl 23rd June 2021: Aizawl DC chuan Ramhlun South hmun thenkhat chu Containment Zone/Area-a puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh Aizawl DC Office lehkha No. C.16011/298/2020-DC(A)/Lockdown Dt.18/05/2021 hmangin Ramhlun South (Y-Section) hmun thenkhat chu Containment Zone/Area-ah puan a lo ni tawh a. Tin, Ramhlun South (Y-Section) hmun thenkhat Containment Zone/Area a lo puan tawh chu Aizawl DC Office lehkha No.C.16011/298 /2020DC(A) /Lockdown Dt.10/06/2021 leh Dt.17/06/2021 hmangin sawrzim Order chhuah a lo ni tawh bawk.
Chief Medical Officer, Aizawl East in a zirchianna leh a tul anga hma a lak hnuin, Ramhlun South (Y-Section) Containment Zone/Area hmun thehkhat chu ni sarih chhung CoVID-19 positive case thar an awm tawh loh avangin a vaia hlih rawtna a rawn thlen a. He rawtna ang hian Ramhlun South (Y-Section) hmun thenkhat Containment Zone/Area-a lo puan tawh chu 22.06.2021 (Thawhlehni) Zan dar 10:00 atangin hlih a ni.
Ramhlun South (Y-Section) area bak, Ramhlun South hmun thenkhat a Containment Zone/Area-a lo puan tawhte chu Containment Zone/Area-a la puan chhunzawm a ni ang.
Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.
