No.1413/2021-2022

Aizawl 16th July 2021: Aizawl DC chuan Bethlehem Vengthlang hmun thenkhat Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin Bethlehem Vengthlang hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in a zirchianna leh a tul anga hma a lak hnuin Bethlehem Vengthlang  hmun thenkhatah hri kai thar an awm belh zel avangin hmun thenkhat Containment Zone/Area-a puan a rawn rawt a. He rawtna ang hian a hnuaia Bethlehem Vengthlang hmun tarlante hi ni 15.07.2021 (Ningani) Zan dar 10:00 atangin Containment Zone/Area-ah puan a ni.

Bethlehem Vengthlang (Containment Zone) puan belhna :

Chawngbawla Section:

a) Pu H. Chhunthanga in atanga Tv K. Lalbiakvela in inkar kawng thlang lam zawng, Pu PC Rokhuma leh Pu Lalhlimpuia in huam telin.

b) YMA Hall atanga Pi PC Lalthangmawii in inkar kawngpui thlanglam, FRCBR (Bamboo) road thlengin.

c) Pu Lalramzauva Ralte in atanga Pi Sangnguri in a huam a tel ang.

(Total No. of Household contained – 115)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.