No.1414/2021-2022

Aizawl 16th July 2021: Aizawl DC chuan Venghlui hmun thenkhat Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin Venghlui hmun thenkhat chu Containment Zone/ Area-ah puan a lo ni tawh a. Chief Medical Officer, Aizawl East in a zirchianna leh a tul anga hma a lak hnuin Venghlui hmun thenkhatah hri kai thar an awm belh zel avangin hmun thenkhat Containment Zone/Area-a puan a rawn rawt a. He rawtna ang hian a hnuaia Venghlui hmun tarlante hi ni 15.07.2021 (Ningani) Zan dar 10:00 atangin Containment Zone/Area-ah puan a ni.

VENGHLUI (Containment Zone) puan belhna :

Khuangchera Section:

Lam hnai tuikhur atanga kawngpui zawh chhovin Y- Road thleng. Y- Road atanga kawngpui zawh chho zelin Pu K Vanlalhuma in thleng. Pu K Vanlalhuma kawmchhak kawng zawh pheiin Pi C Lalthianghlimi in thleng. Pi C Lalthianghlimi in bul kawr zawhthla in Lam hnai tuikhur thleng.

(Total No. of Household contained – 28)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.