No.1415/2021-2022

Aizawl 16th July 2021: Aizawl DC chuan ITI Veng hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan  Containment Zone/Area-a  puan  a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin, ITI Veng chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin a hnuaia ITI Veng hmun thenkhat tarlan te hi ni 15.07.2021 (Ningani) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

ITI Veng Containment Zone/Area puanna:

Chawngbawla Section: Urban Primary Health Centre ITI Veng Staff Quarters:

1. Pi Malsawmi In atanga pheiin Pu Lalthlengkima Sailo in thleng. (Chhungkaw 10 chenna.)

2. Pu Lalrinkima leh a fanu Quarter atangin Pi Lalrimawii Quarter thleng. (Chhungkaw 8 chenna.)

3. Pi Lalzemawii Quarter atanga chhuk leh in Pi Malsawmi Quarter a zuk pawh ang. (Chhungkaw 1 chenna.)

(Total No. of Household contained: 19 )

Buffer Zone :

Chawngbawla Section : “Pu C. Lalramngheta leh Pu Bawihliana in inkar”

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.