No.1574/2021-2022

Aizawl 27th July 2021:  Aizawl DC chuan Bethlehem Vengthlang hmun thenkhat Containment Zone/Area-a puan hlih a nih thu a chhuah a. Hemi chungchanga DC thuchhuah chu a hnuai a mi ang a ni e.

The Disaster Management Act, 2005 Section 34(b)(c) behchhan leh he Office lehkha No.C.16011/298/2020-DC(A)/Lockdown Dt. 06/07/2021 hmangin Bethlehem Vengthlang hmun thenkhat chu Containment Zone/Area-ah puan a lo ni tawh a.

Chief Medical Officer, Aizawl East in a zirchianna leh a tul anga hma a lak hnuin, Bethlehem Vengthlang Containment Zone/Area hmun thenkhat chu ni sarih chhung CoVID-19 positive case thar an awm tawh loh avangin a sawrzim rawtna a rawn thlen a. He rawtna ang hian Bethlehem Vengthlang hmun thenkhat Containment Zone/Area-a lo puan tawh chu 27.07.2021 (Thawhlehni) Zing dar 4:00 atangin hlih a ni.

Containment Area hlih tur huamchhung :

a) Pi H.Zatluangi Building (Colony) pahnih huam chhung zawng a mi te.

b) Pu H.Chhunthanga in atanga Tv. K. Lalbiakvela In inkar kawng thlang lam zawng, Pu PC Rokhuma leh Pu Lalhlimpuia In huam tel in.

c) Pi Laithangpuii leh Pu Lalchangliana In atanga Pu Zakunga in inkar huam chhung zawng (Pu K. Lianluaia In kawt kawngpui leh Pu Lalchangliana kawm thlang kawng inkar zawng.

(Chhungkaw 40 chenna)

Containment Area-in a la huam turte:

a) Pu H. Lungmuana In atanga Ralhmingthanga In thlengin.

b) Yma Hall atanga Pi PC Lalthangmawii In inkar kawngpui thlang lam, Bamboo Road (FRCBR) thlengin.

c) Pu Lalramzauva Ralte In atanga Pi Sangnguri In a huam tel ang.

(Chhungkaw 119 chenna)

Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.