1748/2026-2027

Lawngtlai, the 12th August, 2026 : Vawiin chawhma dar 11:00 AM  khan Pu David Lalrinawma, Addl.DC kaihhruaiin a Office Chamber-  ah Beti Bachao Beti  Padhao (BBBP) hnuaia 'Project Genesis' kalpui dan tur relin thutkhawm neih a ni.

Pu David Lalrinawma, chuan kalkhawmte hnenah lawmthu sawiin, Project Genesis- chu  nu naupai ten Antenatal Care (ANC)  lak that leh  naupai ten Damdawi In ngei nau an neih nana hmalakna a nih thu a sawi a. Lawngtlai District -  a zau a, thingtlang tam zawkah thawktu indaih lohna leh medical lama inekawlna tha awm lohna a tam em em a, hemi a nih avang hian  'Project Genesis' tha taka kalpui a pawimawh zual hle a ti.Project Genesis-  tha tak ber a kalpui turin  Women & Child Development (WCD)  leh Health Department - an pawimawh hle tih sawiin theih tawp chhuah turin a chah a ni. Addl. DC chuan Tlawmngai Pawl hrang hrangte, VC, Kohhran leh khawtlang mipuite  pawh hemi kawnga theih ang anga tawiawm turin a sawm bawk.

Pi F. Lalengvari, District Mission Co- ordinator chuan Project Genesis chu  BBBP hnuai a Project thar a nih thu sawiin, Mamit District, Lunglei District, Lawngtlai District leh Siaha District- ah te kalpui  a nih ang a ti. Project Genesis - awmzia tlangpui sawizauna neiin Damdawi In a nau neih hniam lultuk tihkiamna tur leh Raipuar ten dik taka ANC te an lak a, damdawi In ngei a nau an neih theih nan a hmalakna a ni thu a sawi bawk a ni.

Dr.Lalmuanawma Jongte, Sr.  CMO chuan  'Project Genesis'  kalpui  tura 'District Action Plan'  chhawpchhuak in, hmalak dan tur leh a pawimawhnate sawi zauna a nei a.  Project Genesis kalpuina tur Khua(Village) thlan chu WCD leh Health Department- kutah dah niin, meeting lehah chhawpchhuah ni se an ti a ni.

Vawiin thutkhawmah hian District Education Officer (DEO) Dy. CMO, Superintenden, DC Office; President,  CYLA leh LWA te an tel a, Addl DC chuan lawmthu sawiin thutkhawm a khar.