Vawiin chawhnu khan Project Management Unit, BBBP leh District Child Protection Unit tangkawp chuan Serchhip khaw chhung tlawmngai pawl hrang hrang leh kohhran hrang hrang hruaitute hnenah Beti Bachao Beti Padhao (BBBP) Serchhip District hmalakna leh Child Protection Unit hmalakna chungchang leh thiltum te inhrilhhriatna hun DC Conference Hall Serchhip ah an buatsaih.

Pi Sarah Lalbiakliana, District Coordinator chuan BBBP chungchang leh a thil tumte a sawifiah a. India ramah hmeichhia naupiang dinhmun a tlakhniam zel thu leh Serchhip District ah pawh hmeichhe naupiang dinhmun a hniam avangin BBBP hi kalpui anih thu a sawi a. Fanu thar te lo lawma, lo venhima, an zir puitlin ngei theih nana ram mipuite zirtir hi a tum ber a nih thu a sawi.

Pi Lalramsiami Sailo, Legal cum Probation Officer, District Child Protection Unit, Serchhip chuan Juvenile Justice (Care and Protection of Children) Act, 2015 chungchang a sawi a. Pi Liansangpuii, Protection Officer (NIC) chuan Protection of Children from Sexual Offences chungchang sawi bawkin, naupangte himna kawnga hriat tur pawimawh hrang hrangte ngaihthlak a ni bawk a ni.

He hun hi Pi V. Lalruatsangi, Women Welfare Officer chuan a kaihruai a, inlawmna thu sawiin training buatsaih anih chhante a sawifiah a ni. Thupui thlanchhuah hmanga zirtirna neih anih bakah hian zawhna leh chhanna hun hman niin, sawi hona hun tha tak hman a ni bawk.