Vawiin khan Champhai Bawrhsap Pu S.L Naveen IAS kaihhruaina hnuaiah District Task Force for Immunization (DTFI) chu DC Conference Hall-ah thukhawmin, Intensified Mission Indradhanush (IMI) 2.0 kalpui mek leh Undivided Champhai District chhunga naupangte hnena zenghri danna pek tur Intensified Pulse Polio Immunization Programme (IPPI) 2020, chungchangte rel a ni.

Dr R. Lianmawia, District Immunization Officer (DIO) chuan meeting neih anih chhan sawifiahin, Vaccine pek dan tura ruahmanna siam dan kalkhawmte hmaah a tarlang a. DIO chuan Champhai District chhunga kum 5 hnuai lam naupang 13101 te hnenah Zenghri danna vaccine hi pek tum anih thu leh vaccine pe tura tih tur tulte chu peihfel niin, ruahmanna fel tak siam a nih tawh thu a tarlang bawk. Dr. R. Lalawmpuia, CMO pawhin hridanna chungchanga hriattur pawimawh awmte sawizauin hemi atana hma an lo lak tawh dante a tarlang nghal a ni.

Zenghri danna hi tun thla January ni 21, 2020 atanga pechhuak tura ruahmanna siam niin, January ni 17 ah Champhai atangin Lirthei 3 hmangin Ngopa CHC, Mimbung PHC, NE Khawdungsei PHC, Hnahlan PHC, Khawbung PHC, Farkawn PHC, Bungzung PHC, Khawzawl PHC, Rabung PHC, Khawhai PHC, Sialhawk PHC, Biate PHC leh Kawlkulh PHC ah te vaccine leh hmanraw mamawhte pekchhuah tum a ni A, January Ni 21 atangin hridanna hi pek tan a ni ang.

District Task Force for Immunization (DTFI) chuan naupangte hriselna atan Vaccine lak chu a pawimawh tak zet avangin, Nu leh pate chu naupang hridanna dawng thei turte hmakhua ngaia hunbi ang zela hridanna laktir thin turin a ngen a ni.