Vawiin chawhnu dar 2:00 khan DC’s Conference Hall, Siaha-ah Siaha District chhunga Beti Bachao Beti Padhao(BBBP) hnuaia Hmeichhe Naupang Zirlai thlan bikte hnenah Scholarship hlanna hun hman a ni. He Scholarship hlanna hun hi Pu Andy Lalfakzuala Varte, SDC chuan kaihruaiin, Pi. Harleen Kaur IAS, Deputy Commissioner, chuan khuallian niin he hun hi a hmanpui .

Pi Harleen Kaur chuan thu sawiin, he Scheme an lo duan hi hmeichhe naupangte tan vanneihna leh hlawhtlinna ropui tak a ni a. kan rama mipa leh hmeichhe dinhmun inthlauh lutuk thin te, hmeichhe hriselna leh zirna lama hma an sawn theihna tur te chu he scheme in a ngaih pawimawh ber a ni a. Chu mi atan chuan he Scholarship hi duan a ni a, he scholarship hi thil dang atan hmang lovin a nihna dik taka hmang turin naupangte chu a chah bawk. Hmeichhe Naupang hmasawnna turah hian Nu leh Pa, Kohhran leh NGO’s te bakah Zirtirtute hian tihtur kan neih theuh a, lungrual taka kan theihna zawn theuh hna kan thawh ve a ngai a ni tiin, hmeichhe Naupang te dinhmun chawikanna kawnga thawkho zel turin kalkhawmte chu a chah bawk a ni.

He BBBP hnuaiahhian Scholarship Board din niin :

1. Chairman a SDC(Planning) & District Coordinator, BBBP.

2. Secretary a District Child Protection Officer.

3. Member a DPC (SSA), DPC (RMSA), President, M.CH.P.; President, LWA;

President, MHIP te hian Hmeichhe Naupang he Scholarship dawng turte chu an thlang a, a hnuaia tarlan ang hian sem a ni.

1. Primary School a zirlai 15 te hnenah Thlatin Rs.800/- theuh kum khat tan.

2. Middle School a zirlai 10 te hnenah Thlatin Rs.1000/- theuh kum khat tan.

3. High School a zirlai 3 te hnenah Thlatin Rs.1200/- theuh kum khat tan.

4. Higher Secondary School a zirlai 2 te hnenah Thlatin Rs.2000/- ve ve kum khat tan. Pu Andy Lalfakzuala Varte, SDC chuan kalkhawmte hnenah lawmthu sawina-in he programme hi a khar a ni.