Bhal Bhavan Society, Mizoram leh Social Welfare Department tangkawp buatsaih Bhal Shree Camp, skul naupang nipui chawlh atana an buatsaih chu vawiin khan I&PR Conference Hall-ah chhunzawm a ni.

I&PR Conference Hall-ah hian naupangten Creative writing workshop an hmang a, thu ziak lama tuimi naupang 70 chuangin thupui thlan bik zing ami an duhzawng an ziak a, an hlim hle a ni.

Creative writing bik enkawltu, Ruatfela Nu chuan, naupangten I&PR Conference an hmang chu an lawmin, nuam an ti a, an chakna hmun tak kan hman theih avangin I&PR Department chungah lawmthu a sawi a ni.

Bhal Shree Camp hi 18th July atanga tan tawh niin, ni 30th July hian kharna hun Vanapa Hall-ah neih a ni dawn a. Chief Minister Pu Lal Thanhawla’n a hmanpui dawn a ni.