Vawiin khan PIB Media Centre-ah Bharat Nirman Public Information Campaign (PIC) Core Committee te an thukhawm. PIC Core Committee-ah hian Central media unit hrang hrang –DDK, PIB, DFP, AIR leh DAVP aiawhte an tel a ni.

Bharat Nirman/Flagship Programmes Public Information Campaign neih hun leh hmun tur meeting hmasa-a lo ruahman tawh chu rokhawlhna engemaw avanga tihpuitlin theih a nih tak loh avangin, kumina a hmasa ber leh Mizorama a tum 24-na turin Saiha District chhungah August 21-23, 2013 chhung hian New Saiha, Meisatla leh Maubawkah te Bharat Nirman PIC hi neih ni zawk se an ti a. September, 2013 thla chhung hian New Serchhip, Khawlailung leh Keitumah te PIC neih tum ni bawk se, a hun tur chu la ngaihtuah that leh ni se an ti.

Sawrkar laipui ruahman anga hmasawnna hnathawh hrang hrang mipui hnena puanzarna Bharat Nirman/Flagship Programmes Public Information Campaign hi PIB bultumin Central media unit hrang hrang DDK, AIR, DFP leh DAVP, Mizoram Journalists Association(MJA) leh Mizoram sawrkar tangrual ten an buatsaih thin a ni a. Mizoram chhung district hrang hrangah PIC vawi 23 neih alo ni tawh a ni.

Meeting hi an Chairman Pu Mangjangam Touthang, Head, PIB & DD News, Aizawl-in a kaihruai a ni.