Ram mipuite hmasawnna tura Sorkar laipui hmalakna chi hrang hrang, a kalphung leh hnathawh dan te mipuite hnena puanzarna beihpui, Bharat Nirman Public Information Campaign thawh 10-na chu vawiin khan Zialung Community Hall Biate ah zawhfel a ni ta.
Campaign tawpna ni hmanpuitu, Hrangturzo bialtu MLA Pu Lalthansanga chuan thingtlang mipuite dinhmun chawikanna tura Central Sorkar hmalakna Schemes leh Programme chi hrang hrangte hi Kristian ram tih dan tur ni awm reng-a dikna leh rinawmna nen mizote hian kan thawh a tul a ni a ti a, ruahmanna awmsa ang nilo, thil danga sum kan hman emaw, tha lo taka hna kan thawh emaw hian thangtharte pawi kan khawih a ni tih kan hriat a tul a, central Sorkar Scheme leh programme chi hrang hrang kalpui danah pawh mipuiten officialte duham fal te chu khak ngam thei turin, nasa leh zuala kan inzir a tul a ni a ti.
Khualzahawm dang, Khawzawl BDO Pu Tanpuia Hnamte pawhin thu sawiin, Central Sorkar chuan eng ang ruahmanna tha pawh duangchhuak thin mahse, mipui ten a kalphung leh hmalak tum dante an hriat si loh chuan Official ten an duh duhin an bum kual thei thin a ni a ti. Khualzahawm dang Biate VCP Pu Liankunga pawhin thu a sawi a, Inkhawm kaihruaitu PIC Core Committee Chairman Pu C. Lalrosanga, Doordarshan Director nibawk chuan Central sorkar duhdan anga Campaign chu buatsaih thin anih thu sawiin, Central Sorkar ruahmanna chi hrang hrangte chu tha taka kan thawh phawt chuan min pek belh zel pawh Central Sorkar chuan a duh a ni a ti.
Press Information Bureau, PIB bultum-a Central Media hrang hrang, Doordarshan, AIR, Directorate of Field Publicity, Directorate of Audio and Visual Publicity, Song and Drama Division, Mizoram Sorkar leh Mizoram Journalist Assn tanghote buatsaih Bharat Nirman Public Information Campaign hi thawhlehni khan Khawzawl ah Health Minister Pu Lalrinliana Sailo hova tan a ni a, nimin Nilaini khan Khawhai’ah chhunzawm in Champhai North Bialtu MLA Pu TT Zothansangan a hmanpui leh a. Campaign chhung hian Field Publicity leh DAVP ten hmasawnna kalpui dan thlalak hmanga phochhuahna Photo Exibition an buatsaih thin a, chawhnu lam ah Central Schemes leh Programme chi hrang hrang, ICDS, NRHM, SSA, RTI, NREGS, PMGSY, IAY leh a dangte chu Mizoram Sorkar-a a kalpuitu Deptt. Mithiamte chuan mipui kalkhawmte chu zirtirin, zawhna awm apiangte pawh an chhang nghal zel thin a ni.
Khualzahawm dang, Khawzawl BDO Pu Tanpuia Hnamte pawhin thu sawiin, Central Sorkar chuan eng ang ruahmanna tha pawh duangchhuak thin mahse, mipui ten a kalphung leh hmalak tum dante an hriat si loh chuan Official ten an duh duhin an bum kual thei thin a ni a ti. Khualzahawm dang Biate VCP Pu Liankunga pawhin thu a sawi a, Inkhawm kaihruaitu PIC Core Committee Chairman Pu C. Lalrosanga, Doordarshan Director nibawk chuan Central sorkar duhdan anga Campaign chu buatsaih thin anih thu sawiin, Central Sorkar ruahmanna chi hrang hrangte chu tha taka kan thawh phawt chuan min pek belh zel pawh Central Sorkar chuan a duh a ni a ti.
Press Information Bureau, PIB bultum-a Central Media hrang hrang, Doordarshan, AIR, Directorate of Field Publicity, Directorate of Audio and Visual Publicity, Song and Drama Division, Mizoram Sorkar leh Mizoram Journalist Assn tanghote buatsaih Bharat Nirman Public Information Campaign hi thawhlehni khan Khawzawl ah Health Minister Pu Lalrinliana Sailo hova tan a ni a, nimin Nilaini khan Khawhai’ah chhunzawm in Champhai North Bialtu MLA Pu TT Zothansangan a hmanpui leh a. Campaign chhung hian Field Publicity leh DAVP ten hmasawnna kalpui dan thlalak hmanga phochhuahna Photo Exibition an buatsaih thin a, chawhnu lam ah Central Schemes leh Programme chi hrang hrang, ICDS, NRHM, SSA, RTI, NREGS, PMGSY, IAY leh a dangte chu Mizoram Sorkar-a a kalpuitu Deptt. Mithiamte chuan mipui kalkhawmte chu zirtirin, zawhna awm apiangte pawh an chhang nghal zel thin a ni.
