3591/2023-2024

Dated Aizawl, the 31st January, 2024: Vawiin khan CM's Conference Hall ah Pu Lalduhoma, Chief Minister chu Bharat Scout & Guides Mizoram State President atan lakluh a ni a, a rual hian Dr. Vanlalthlana, Minister, Education, etc., leh Pu Lalnghinglova Hmar, Minister of State, Sports & Youth Services, etc., te chu Vice Presidents atan lakluh an ni bawk.

Rev. Dr. C.L Hminga, Mizoram State Patron in lakluhna thu a tiamtir zawhah thusawiin Chief Minister chuan, Scout & Guides hmalakna hi khawvel huapa fak leh chawimawi a ni a, Mizoramah ngei pawh an kaihhruai thalai tam takte mi hlawhtling leh chhuanawm tak takah an lo chhuak tawh a, khawtlang tan thil tha tam tak an lo thawk tawh thin. A thiltum leh hnathawhte hi keini Mizote pawhin kan mamawh em em a thil vek a ni, a ti a. Nasa zawka hma laa, mizo thalaite nunkawng dik leh mahni kea ding thei tura zirtirna lo uar deuh deuh tura chahin thawhpui leh tanpui an ngaihna kawng tinrengah a lo inralring ve reng dawn tih a hrilh.

Vice President thar Dr. Vanlalthlana leh Pu Lalnghinglova Hmar te pawhin Vice President-a lakluh an nih avangin lawmthu an sawi a. Khawvel huapa pawl zahawm leh thalaite kaihruaitu pawimawh a nih avangin Mizoramah pawh hmalakna uar deuh deuh a that thu leh hmalakna zingah ruihhlo do lam pawh nasa zawka kalpui thaa an rin thu an sawi a ni.

Lakluhna inkhawm hi Pu Lalnunhlua, State Chief Commissioner, Scout & Guides in a kaihruai a, Rev. Dr. CL Hminga, Patron leh Bharat Scout & Guides state council members te he hunah hian an tel a. Pi K. Lalliantluangi, State Commissioner (Guides) chuan lawmthu sawiin lakluh inkhawm a khar a ni.