3590/2023-2024

LUNGLEI; the 31st Janaury, 2024: Vawiin chawhnu dar 2:30 khan Pi Lalrinpuii, 31- Lunglei East Assembly Constituency MLA leh Minister, Health & Family Welfare, Tourism, Social Welfare & Tribal Affairs ni bawk chuan a bial chhung mipui ten an bialtu MLA leh Minister ni bawk chu awlsam zawka an dawr theihna tur atan constituency chhung ngei, Chanmari-II, Pu Neihmawia Building, opposite KFC, Lunglei-ah MLA Office a hawng.

Upa C. Fakzuala'n Pathian hnenah office thar hlanna a nei a, Bialtu MLA Pi Lalrinpuii pawhin hawnna thu sawiin, mipui te tan a awlsam zawk leh Aizawl kal kher ngai lova, mipui ten Minister an dawr theih nan te, mipui te harsatna leh mamawhna te ngaihthlak sakna tur atana he office hi ruahman a nih thu tarlangin, office hi mipui ten tangkai taka hmang turin kalkhawm te a chah.

He office hawnna-ah hian, ZPM Southern Headquarters, Block leh Unit-a hruaitute leh MJA Lunglei ten an telpui a ni.

 Upa HC.Thanchungnunga'n tawngtaina in hun tawp chu a khar ta a  ni.