Vawiin khan Mizoram Bharat Scouts & Guides  chuan  State Chief Commissioner Pu Zoliana Royte Office-ah Investiture inkhawm    buatsaihin Commissioners 4 leh Co-opted Member 2 te chu rinawmna thu tiamtira lakluh thar an ni. Member lakluhna inkhawm hi State Chief Commissioner Pu Zoliana Royte-in kaihruaiin amah leh Pi Khawlkungi, Asst. State Commissioner ten member tharte chu thu an tiamtir a ni.

He meeting ah hian kum 2008 chunga Mizoram Bharat Scouts & Guides hna thawh leh hmalak hrang hrang te thlir let a niin kumin chhunga hma thar lak tur te rel ho a ni a. Chung zingah chuan Commissioner te tana Basic training leh refresher course neih chungchang te, State Level Adult Resource Policy Committee din chungchang te, membership drive neih leh individual registration fee tihpun chungchang te bakah khawtlang rawngbawlna hnaah tun aia nasa zawka inhman chungchang te rel a ni a. State Chief Commissioner chuan he meetingah hian Mizoram Bharat Scouts & Guides chu kum 2007-2008 chhunga member pung chak ber pathumna India ram pumah a ni tih tarlangin activities tam zawk neih a pawimawh thu leh thalai tam zawkin he pawl hi an zawm theih nan chak zawka hma lak zel a pawimawh thu a sawi.  

Vawiina Commissioner lakluh thar te hi Pu K.Thanhlira, Asst. State Commissioner, Pi P.B.Lianthangpuii,  Commissioner (Hqrs.), Pi Evangeline Melody Commissioner (Hqrs), PI Zochhuani Commissioner (Hqrs), Pu T.Lalramzauva leh Pu Thara Lungtau Co-opted Members te an ni a. Meeting-in a rel angin Individual Registration fee chu hetiang hian tihsan ni se, tih a ni - Cub & Bulbul Rs.5/-; Scouts/Guides/Rovers/Rangers Rs.5; Unit Leaders  Rs.15/-; Commissioner Rs.20/-