Vawiin chhun dar 12 khan Pu PC Zoram Sangliana, Minister Printing & Stationery etc. chuan a department chan Printing & Stationery Office a tlawh. Minister ho hian department mamawh chi hrang hrangte sawiho na leh hmalak chhoh zel dan tur an sawi ho.
He meeting hi Pu R. Liankima, MCS Controller, Printing & Stationery chuan kaihruaiin department kalphung te sawiin tun aia chak leh hmasawn tur chuan hmanrua an mamawh anga thuam an ngaih thu a sawi a. Minister chuan ngun taka ngaihthlak sakin sorkar-in theih tawp chhuah a tum mek thu sawiin officer ten anmahni thiamna leh finna hmang tangkai a, inlungrual a tang ho zel turin a fuih a, hlawh lak nan ringawt nilova ram leh hnam tan theih tawp chhuah turin a ngen.
Minister chuan kan nitin hnathawhna kawnga pawimawh hmasa chu Pathian tihna hi a ni a, kan mimal nun theuhin chu chu kan neih chuan sorkar beiseina leh department mamawh ang an thawhna kawngah chak zawkin hma an sawn ngei a beisei thu a sawi bawk. Officer tin an mahni hna chanpual mai hre beltu ni lova, thawhpuite chanpual leh hna pawh a tam thei ang ber inhriatpui tawn tura a duh thu a sawi bawk.
Minister chuan tun sorkar kum kal mek tawp lamah pawh hian sum awm ang ang hmanga hmasawnna hna sorkar chuan thawh a tum tih sawiin chutianga sorkar hmalakna ang angah chuan theih tawp chhuaha tawiawm turin a chah bawk.
Minister chuan kan nitin hnathawhna kawnga pawimawh hmasa chu Pathian tihna hi a ni a, kan mimal nun theuhin chu chu kan neih chuan sorkar beiseina leh department mamawh ang an thawhna kawngah chak zawkin hma an sawn ngei a beisei thu a sawi bawk. Officer tin an mahni hna chanpual mai hre beltu ni lova, thawhpuite chanpual leh hna pawh a tam thei ang ber inhriatpui tawn tura a duh thu a sawi bawk.
Minister chuan tun sorkar kum kal mek tawp lamah pawh hian sum awm ang ang hmanga hmasawnna hna sorkar chuan thawh a tum tih sawiin chutianga sorkar hmalakna ang angah chuan theih tawp chhuaha tawiawm turin a chah bawk.
